ஐபிஎல் கிரிக்கெட் தொடரில் பங்கேற்கும் ஐதராபாத் அணியின் கேப்டன் பொறுப்பில் இருந்து ஆஸ்திரேலிய அணியின் டேவிட் வார்னர் நீக்கப்பட்டார்.
தென் ஆப்ரிக்கா அணிக்கு எதிரான கேப்டவுன் டெஸ்டில் ஆஸ்திரேலிய துவக்க வீரர் பேன்கிராப்ட், பந்தை சேதப்படுத்தினார். இது கேமராவில் பதிவானது. இதற்காக பேன்கிராப்டுக்கு, சம்பளத்தில் இருந்து 75 சதவீதம் அபராதமாக ஐ.சி.சி, விதித்தது. தவிர கேப்டன் ஸ்மித் கேப்டன் பொறுப்பில் இருந்து விலகினார். இதே போல வார்னரும் துணைக்கேப்டன் பொறுப்பில் இருந்து விலகினார்.
இந்நிலையில் நான்காவது டெஸ்ட் போட்டிக்கான அணியில் இருந்து வார்னர், ஸ்மித், பேன்கிராப்ட்டை அதிரடியாக அணியில் இருந்து நீக்கி ஆஸ்திரேலிய கிரிக்கெட் போர்டு உத்தரவிட்டது.
