நயன்தாராவும், பிரபுதேவாவும் காதலர்களாக வலம் வந்தனர். திருமணம் வரை சென்று பின்னர் பிரிந்துவிட்டார்கள். தற்போது இரண்டாவது இன்னிங்சில் பிசியான நடிகையாகிவிட்ட நயன்தாரா தொடர்ந்து கதாநாயகிக்கு முக்கியத்துவம் கொடுக்கும் படங்களில் நடிக்கத் தொடங்கியிருக்கிறார்.
நயன்தாரா நடிப்பில் தற்போது உருவாகி வரும் படம் ‘கொலையுதிர்காலம்’. இப்படத்தை ‘பில்லா-2’, ‘உன்னைப்போல் ஒருவன்’ ஆகிய படங்களை இயக்கிய சக்ரி டோலட்டி இயக்குகிறார். யுவன் சங்கர் ராஜா தயாரித்து இசையமைத்தும் வருகிறார். இப்படத்தின் படப்பிடிப்பு விறுவிறுப்பாக சென்றுகொண்டிருக்கும் நிலையில், இப்படத்தை இந்தியிலும் ரீமேக் செய்யவிருக்கின்றனர்.
இந்தி ரீமேக்கை சக்ரி டோலட்டியே இயக்கவிருக்கிறார். ஆனால், தமிழில் நயன்தாரா நடித்த வேடத்தில் தமன்னா நடிக்க ஒப்பந்தமாகியுள்ளதாக கூறப்படுகிறது. மேலும், அப்படத்தின் வில்லனாக பிரபுதேவா நடிக்கப்போவதாகவும் செய்திகள் வெளியாகியுள்ளது. நயன்தாராதான் முதலில் இந்தியிலும் நடிக்க இருப்பதாக கூறப்பட்டது. வில்லனாக பிரபுதேவா நடிப்பதால், இந்தி பதிப்பில் நடிக்க மறுத்துவிட்டதாக கூறப்படுகிறது.
