“அறம்” திரைப்படத்தின் மூலமாக தரமான இயக்குநராக தமிழ்த் திரையுலகில் அடியெடுத்து வைத்திருப்பவர் கோபி நயினார். பத்தொன்பது வயதிலேயே திரையுலகிற்குள் அடியெடுத்து வைத்திருந்தாலும் நீண்ட நெடிய போராட்டத்திற்குப் பிறகு இப்போது தான் இயக்குநராகி இருக்கிறார் கோபி நயினார்.
ரசிகர்கள் முதல் நல்ல அரசியல்வாதிகள் வரை, சமூக வலைதளங்கள் முதல் காட்சி ஊடகங்கள் வரை அனைவரும் “அறம்” திரைப்படத்திற்காக கோபிக்கு புகாழாரம் சூட்டிக் கொண்டுள்ளனர்.
கடந்த சில நாட்களாக சமூக வலைதளங்களில் அதிகம் தேடப்படும் நபரின் கணக்காக கோபி நயினாருடையது இருந்திருக்கலாம். அந்தளவிற்கு டுவிட்டரில் அறம் பற்றிய பதிவுகள் பறந்தது.
ஆனால் கோபி நயினாரோ இப்போதுதான் டுவிட்டர் கணக்கைத் தொடங்கியுள்ளார். தனது முதல் பதிவில் கோபி நயினார்,
“#Aramm #அறம் – எனக்கு இயக்குநர் எனும் அடையாளம் தந்த இந்த ஒரு சொல்லால் என் Twitter பயணத்தை துவங்குவதில் மிக்க மகிழ்ச்சி!” என்று தெரிவித்திருக்கிறார்.
