விக்ரம் நடிப்பில் ராஜேஷ் எம் செல்வா இயக்கத்தில் இன்று வெளிவந்துள்ள படம் தான் ‘கடாரம் கொண்டான்’. ரசிகர்களின் அமோக எதிர்பார்ப்பில் இன்று உலகம் முழுவதும் வெளியாகியுள்ளது.
கதை:
மலேசியாவில், சாலை விபத்தில் விக்ரம் அடிபட்டு மருத்துவமனையில் சேர்க்கப்படுகிறார். மருத்துவமனையில் விக்ரமை கொல்ல சதி நடக்க, அதை தடுக்கிறார் அதே மருத்துவமனையில் வேலை பார்க்கும் டாக்டர் அபி ஹாசன்.
9 மாத கர்ப்பினி மனைவி அனுஹாசனுடன் வசித்து வருகிறார் அபி ஹாசன்.
அனுஹாசனை கடத்தி வைத்து, விக்ரமை மருத்துவமனைக்கு வெளியே கொண்டு வர வேண்டும் என்று அபிஹாசனிடம் மிரட்டல் விடுக்கப்படுகிறது…
ஆக்ஷன் காட்சிகளில் அதிரடியை காட்டியிருக்கிறார் விக்ரம். அதிலும் அந்த கெட்-அப் செம..
மேலும், கமலஹாசனின் மகள் அக்ஷராஹாசன் மற்றும் நாசரின் மகன் அபி ஹாசன் இருவருக்கும் உள்ள கெமிஸ்ட்ரி நன்றாகவே வொர்க்-அவுட் ஆகியுள்ளது.
முதல் படம் என்றாலும் அபிஹாசன் நல்ல ஸ்கோர் செய்துள்ளார். மேலும், படத்தில் போலீஸாக வரும அனைவரும் கதாபாத்திரத்தை நன்றாகவே பூர்த்தி செய்திருக்கிறார்கள்.
ஸ்ரீநிவாஸ் ஆர் குதா-வின் ஒளிப்பதிவு மலேசியாவை மிகவும் கலர்புல்லாக காட்டியுள்ளது. மேலும், விக்ரமின் ஆக்ஷன் காட்சிகளில் கேமராவின் வேலைகள் பாராட்டுக்குறியது.
ஜிப்ரானின் இசையில் பாடல்கள் சூப்பர் ஹிட், மேலும் பின்னனி இசை மிரட்டலோ மிரட்டல். அதிலும், தீம் இசை ரசிகர்களை விசில் அடிக்க வைக்கிறது. .
ப்ரவீன் கே எல் அவர்களின் எடிட்டிங் ஷார்ப்..
ஏற்கனவே, பல படங்களில் பார்த்த கதைதான் என்றாலும், அதை எடுத்த விதத்தில் இயக்குனரை நிச்சயம் பாராட்டியே ஆக வேண்டும். வேறு எந்த படத்திலும் மலேசியாவை இவ்வளவு அழகாக காட்டியதில்லை.
