இம்மார்டல் – திரைவிமர்சனம்
நடிகர்கள் :ஜி.வி. பிரகாஷ் குமார், கயாடு லோஹர், டி.எம். கார்த்திக், குமார் நடராஜன், லொள்ளு சபா மாறன், ஆதித்யா கதிர் ,மற்றும் பலர்.
இசை :சாம் சி.எஸ்,
ஒளிப்பதிவு :அருண் ராதாகிருஷ்ணன்
இயக்கம் :மாரியப்பன் சின்னா,
கதை பல ஆயிரம் ஆண்டுகளுக்கு முன்பு தொடங்குகிறது. ஒரு பழங்குடியின தம்பதியினர் குழந்தையை எதிர்பார்த்திருக்கும் நிலையில், அவர்களுக்கு மனிதக் குழந்தைக்கு பதிலாக மர்மமான ஒரு உயிரினம் பிறக்கிறது. அந்த உயிரினத்தின் தோற்றம் என்ன? அதற்கும் தற்போதைய காலத்திற்கும் என்ன தொடர்பு? என்ற கேள்விகளுடன் படம் ஆரம்பத்திலேயே பார்வையாளர்களின் ஆர்வத்தை தூண்டுகிறது.
கதாநாயகன் ஜிவி பிரகாஷ் குமார் சரி மாமா நடத்தும் ஒரு பிரின்டிங் பிரஸ்சில் பணிபுரிந்து வருகிறார் அவரிடம் தங்கியும் வசித்து வருகிறார் ஒரு கட்டத்தில் குறைந்த வாடகை வீட்டிற்கு போக வேண்டும் என்ற எண்ணத்தில் வீடு தேடுகிறார் , அப்ப போது கதாநாயகியை சந்திக்கிறார் ஒரு பெரிய அடுக்குமாடி குடியிருப்பில் பிரம்மாண்டமான வீட்டில் வசித்து வருகிறார் தன்னுடன் ஷேர் செய்து கொள்கிறாய் என்று கேட்க இவரும் சரி என்ன சொல்ல இருவரும் ஒரே வீட்டில் வாழ்ந்து வருகிறார்கள்,
ஆரம்பத்தில் மென்மையான காதல் மற்றும் நகைச்சுவை கலந்த பயணமாக நகரும் கதை, படிப்படியாக மர்மமான சூழலுக்குள் செல்கிறது. ஏதோ ஒன்று சரியில்லை என்ற உணர்வை பார்வையாளர்களிடமும் ஏற்படுத்தும் திரைக்கதை, இடைவேளைக்கு முன் வரும் முக்கியமான திருப்பத்துடன் கதையின் போக்கையே மாற்றுகிறது.
மர்மம் மற்றும் சர்வைவல் த்ரில்லர் உலகிற்குள் பயணிக்கிறது. கயாடு லோஹரைச் சுற்றியுள்ள மர்மமான உலகம் என்ன? பல ஆயிரம் ஆண்டுகளுக்கு முன்பு தோன்றிய அந்த உயிரினத்திற்கும் அவருக்கும் என்ன தொடர்பு? ஜி.வி. பிரகாஷ் அந்த விசித்திரமான சூழ்நிலையிலிருந்து தப்பிக்கிறாரா? என்பது தான் மீதி கதை.
ஜி.வி. பிரகாஷ் குமாரின் நடிப்பு. அடுத்த வீட்டுப் பையன் போன்ற இயல்பான தோற்றத்துடன் கதாபாத்திரத்தில் எளிதாக பொருந்தியுள்ளார்.
ஆரம்பக் காட்சிகளில் சாதாரண இளைஞராக வரும் அவர், பின்னர் எதிர்பாராத மற்றும் அச்சமூட்டும் சம்பவங்களை சந்திக்கும்போது வெளிப்படுத்தும் குழப்பம், பயம் மற்றும் பதற்றம் ஆகியவை கதாபாத்திரத்திற்கு நம்பகத்தன்மையை சேர்க்கின்றன.
கயாடு லோஹர் இப்படத்தின் மற்றொரு முக்கியமான ஈர்ப்பு. ஆரம்பத்தில் மென்மையான, கவர்ச்சியான இளம் பெண்ணாக அறிமுகமாகும் அவரது கதாபாத்திரம், கதை நகர நகர பல்வேறு பரிமாணங்களை வெளிப்படுத்துகிறது.
அழகு, மர்மம், அச்சம் மற்றும் ஆபத்து ஆகிய அனைத்தும் கலந்த கதாபாத்திரத்தில் கயாடு லோஹர் தனது நடிப்பால் கவனம் ஈர்க்கிறார். படத்தின் முக்கியமான மர்மத்தை தாங்கிச் செல்லும் அவரது கதாபாத்திரம் ரசிகர்களுக்கு வித்தியாசமான அனுபவத்தை வழங்குகிறது.
டி.எம். கார்த்திக், குமார் நடராஜன், லொள்ளு சபா மாறன், ஆதித்யா கதிர் உள்ளிட்ட நடிகர்கள் தங்களுக்கு வழங்கப்பட்ட கதாபாத்திரங்களை சிறப்பாக செய்துள்ளனர்.
சாம் சி.எஸ்.-ன் இசை மற்றும் பின்னணி இசை படத்திற்கு மிகப்பெரிய பலமாக அமைந்துள்ளது. குறிப்பாக த்ரில்லர் மற்றும் உயிரினம் தொடர்பான காட்சிகளில் அவரது பின்னணி இசை பார்வையாளர்களின் பதற்றத்தை பல மடங்கு அதிகரிக்கிறது.
அருண் ராதாகிருஷ்ணனின் ஒளிப்பதிவு படத்தின் மர்மமான உலகத்தை திரையில் அழகாக உருவாக்கியுள்ளது. இருள், அச்சம் மற்றும் பதற்றம் நிறைந்த காட்சிகளில் ஒளிப்பதிவு தனித்துவமான மனநிலையை ஏற்படுத்துகிறது.
தமிழ் சினிமாவில் வழக்கத்திற்கு மாறான கதைக்களத்தைத் தேர்வு செய்து தனது முதல் முயற்சியிலேயே கவனம் ஈர்த்துள்ளார் இயக்குநர் மாரியப்பன் சின்னா.
ஃபாண்டஸி, மர்மம், ஹாரர், உயிரின அம்சங்கள் மற்றும் சர்வைவல் த்ரில்லர் கூறுகளை ஒரே கதைக்குள் இணைப்பது எளிதான காரியம் அல்ல. ஆனால் அந்த முயற்சியில் இயக்குநர் குறிப்பிடத்தக்க வகையில் வெற்றி பெற்றுள்ளார்.
மொத்தத்தில் இந்த இம்மார்டல் தமிழ் சினிமாவின் புதிய முயற்சி பேண்டஸி மர்மம் த்ரில்லர் நிறைந்த ரசிகர்களுக்கு ரசிக்கும்படியாக படமாக இருக்கும் .
