ஹரி ஹர வீர மல்லு திரைவிமர்சனம்
நடிப்பு: பவன் கல்யாண், நிதி அகர்வால், பாபி தியோல், சத்யராஜ், நாசர், சுனில்
இசை: எம்.எம். கீரவாணி
இயக்கம்: கிரிஷ்.
1600 ஆம் ஆண்டு பின்னணியில் அமைந்துள்ள “ஹரி ஹர வீர மல்லு” திரைப்படம், அடிமைச் சூழலிலிருந்து எழுந்து புரட்சியை உருவாக்கும் ஒரு போராளியின் கதை. சத்யராஜ் வழிகாட்டும் குருகுலத்தில் வளர்ந்த பவன் கல்யாண், வைரங்களை திருடும் வழியாக ஏழை மக்களுக்கு உதவுகிறார். அவருடைய இலக்காக உருவாகும் ஒளரங்கசீப்பை எதிர்த்துப் போராடும் பயணம் தான் படத்தின் மையக்கரு.
பவன் கல்யாண், மாஸ், ஆக்ஷன், மற்றும் காமெடியில் கலந்த கலவையாக தன்னம்பிக்கையுடன் நடித்திருக்கிறார். சில சாகச காட்சிகளில் அவர் பறந்து வருவது போன்ற காட்சிகள் ஓவராக இருந்தாலும், அவரது ரசிகர்கள் அதை கொண்டாடுவார்கள் என்பதில் சந்தேகம் இல்லை.
பாபி தியோல், ஒளரங்கசீப்பாக மிகச் சிறப்பாக மின்னுகிறார். முகலாய பேரரசின் கொடூரத்தை மிக நம்பமுடிகின்ற அளவுக்கு கொண்டு வந்திருக்கிறார். சத்யராஜ், நாசர், சுனில் போன்ற குணச்சித்திரக் கதாபாத்திரங்களும் தங்கள் பங்களிப்பை அழகாக முடித்துள்ளனர். நிதி அகர்வால் நடித்தல் செயற்கையான போக்கை கொண்டிருந்தது.
கீரவாணியின் இசையில் பாடல்கள் கேக்கும்படி இருந்தாலும், பின்னணி இசையில் சத்தம் குறைச்சிருக்கலாம் ஒளிப்பதிவு சிறப்பாகவே இருந்தது; படம் முழுக்க கதையின் போக்கை தாங்கி நிற்கும் தூணாக இருந்தது.
“ஹரி ஹர வீர மல்லு” என்பது வரலாற்று சாயலுடன் கூடிய, மாஸ் மற்றும் சமூகக் கருத்துக்கள் கலந்த ஒரு மிடில் ரேஞ்ச் திரைப்படமாகும். பவன் கல்யாணின் ரசிகர்களுக்கு விருந்தாக இருக்கும் இப்படம்.
