லவ் சப்ஸ்கிரைப் ஷேர்” – திரை விமர்சனம்
நடிகர்கள் :ஆதவ் கிருஷ்ணா,சிம்ரன் அத்வானி,சாம்ஸ்,படவாகோபி,விநோதினி வைத்தியநாதன்,மற்றும் பலர்.
இசை :அஸ்வமித்ரா,
ஒளிப்பதிவு :N.S. சதீஷ் குமார்.
இயக்கம் :மகாலட்சுமி முருகன்.
கதாநாயகனம்,கதாநாயகியும் சென்னையில் ஒரே கல்லூரியில் பயின்று வருகிறார்கள்,எதிர்பாராமல் ஒருநாள் சந்திப்பில் சிம்ரன் அதானி , படிப்பைத் தவிர வேறொரு சிந்தனையில்லாத ஆதவ் கிருஷ்ணா காதலிக்கிறார். ஆதவை அழைத்துக் கொண்டு, தன் அம்மாவைப் பார்க்க பூஜா காசிக்குச் செல்கிறார். காசியில் நேரிடும் எதிர்பாரா நிகழ்வில் இருந்து பூஜாவும் சிவாவும் எப்படி மீள்கின்றனர் என்பதே படத்தின் கதை.
முதல் படமென்றாலும், இயக்குனர் மகாலட்சுமி முருகன் திரைக்கதையை நயமாக வடிவமைத்து கதையை சீராக நகர்த்தியுள்ளார். காதலுக்கு இணையாக குடும்ப உணர்வுகளையும், உறவுகளின் பாசத்தையும் அழகாக பின்னிப் பொருத்தியுள்ளார். சென்னையிலிருந்து காசி வரை பயணிக்கும் கதை, காதல் கதையுடன் சேர்ந்து ஒரு த்ரில்லர் அம்சத்தையும் கொண்டுள்ளது. காசியில் நாயகி காணாமல் போகும் திருப்பம், பார்வையாளர்களை யூகிக்க வைக்கும் விதமாக சுவாரஸ்யமாக அமைக்கப்பட்டுள்ளது. ‘யார் கடத்தியது?’, ‘என்ன நடந்தது?’ என்ற கேள்விகளை எழுப்பும் காட்சிகள் படத்திற்கு விறுவிறுப்பை கூட்டுகின்றன.
அறிமுக நாயகன் ஆதவ் கிருஷ்ணா சில இடங்களில் இயல்பான பதட்டத்துடன் தோன்றினாலும், கதாபாத்திரத்தை உணர்ந்து நடித்துள்ளார். இயக்குனரின் கற்பனைக்கு ஏற்றவாறு தன்னால் இயன்ற ஆதரவை வழங்கியுள்ளார்.
நாயகி சிம்ரன் அத்வானி தனது முதல் படத்திலேயே கவனிக்கத்தக்க நடிப்பை வெளிப்படுத்தியுள்ளார். உணர்ச்சி வசப்பட்ட தருணங்களிலும், துடுக்கான இளம்பெண்ணாகவும், காதலை வெளிப்படுத்த தயங்கும் காட்சிகளிலும் திறமையாக நடித்துள்ளார். எதிர்காலத்தில் தமிழ் சினிமாவில் ஒரு நல்ல நடிகையாக உருவெடுக்கக்கூடிய திறன் அவரிடம் காணப்படுகிறது.
நாயகனின் தந்தையாக நடித்துள்ள படவா கோபி, ஒரு நடுத்தர வர்க்கத் தந்தையின் மனநிலையை இயல்பாக வெளிப்படுத்துகிறார். வினோதினி, தாயின் பாசத்தையும், சற்றே நகைச்சுவை கலந்த குணத்தையும் இணைத்து படத்திற்கு பலம் சேர்த்துள்ளார்.பெரம்பூர் இரயில்வே ஸ்டேஷன்க்குச் செல்ல லிஃப்ட் கேட்டவருக்கு உதவிப் பெரும் சிக்கலில் மாட்டிக் கொண்டு கலகலக்க வைத்துள்ளார் சாம்ஸ்.இளைய மகனாக நடித்துள்ள சிறுவன் கவருகின்றார் நாயகியின் தந்தை வேடத்தில் நடித்திருப்பவர், செல்வந்த மார்வாடி தந்தையின் அணுகுமுறையை அழகாக எடுத்துக்காட்டியுள்ளார். மருத்துவமனை மற்றும் மோதல் காட்சிகள் சுவாரஸ்யமாக அமைந்துள்ளன.
இசையமைப்பாளர் அஸ்வமித்ரா, கதையின் ஓட்டத்தை புரிந்து பாடல்கள் மற்றும் பின்னணிசையில் திருப்திகரமான பணியை செய்துள்ளார். குறிப்பாக உணர்ச்சி காட்சிகளில் இசை சிறப்பாக பொருந்தியுள்ளது.
மொத்தத்தில், “லவ் சப்ஸ்கிரைப் ஷேர்” ஒரு இளம் காதல் கதையுடன் குடும்ப உணர்வுகளையும், சிறு த்ரில்லர் சுவையையும் இணைத்து உருவாக்கப்பட்ட படைப்பு. புதிய முயற்சியாக அமைந்துள்ள இந்த படம், காதல் மற்றும் உறவுகளை நம்பும் பார்வையாளர்களிடம் நிச்சயம் வரவேற்பைப் பெறும்.
