பைசன் திரைவிமர்சனம்
நடிகர்கள்:துருவ் விக்ரம், பசுபதி,லால் அமீர், அனுபமா பரமேஸ்வரன்,ராஜீஷா விஜயன்,
இசை:நிவாஸ். பிரசன்ன.
ஒளிப்பதிவு:எழில் அரசு. K
இயக்கம்:மாரி செல்வராஜ்,
தயாரிப்பு:சமீர் நாயிர், பா. ரஞ்சித்,தீபக் சேகல்.
இயக்குனர் மாரி செல்வராஜ். பைசன் மூலம் இது வெறும் சமூகப் படம் அல்ல, மனித நேயத்தையும், ஒருவரின் உழைப்பின் மதிப்பையும் பேசும் ஆழமான மனிதக் கதை.
திருநெல்வேலியில் உள்ள குக் கிராமமான வனத்தில் வாழும் ஒரு எளிய மனிதனின் வாழ்க்கை மற்றும் அவனைச் சுற்றியுள்ள சமூகப் பாகுபாடுகள் தான் கதையின் மையம். ஆனால் இந்த முறை, மாரி செல்வராஜ் அந்த பாகுபாட்டை ஒரு புதிய கோணத்தில் காட்டுகிறார் “மனிதம்” தான் இறுதி மதம் என்பதைக் குரல் கொடுக்கிறார்.
கதையின் நாயகனாக துருவ் விக்ரம் மிகச்சிறப்பாக நடித்துள்ளார். அவர் வாழ்வின் ஒவ்வொரு நிலையிலும் எதிர்கொள்ளும் சவால்கள், போராட்டங்கள் மற்றும் மனதின் நுணுக்கமான மாற்றங்களை துல்லியமாக வெளிப்படுத்தியுள்ளார்
துருவ் விக்ரம் இதுவரை அவரது சிறந்த நடிப்பாக சொல்லலாம். உடல் மொழி, கண்களின் வெளிப்பாடு, உணர்ச்சி துளிகள் அனைத்தும் மிக இயல்பாகவும் ஆழமாகவும் இருந்தன. மிகவும் கடினமாக உழைத்து இருக்கிறார் என்று தான் சொல்ல வேண்டும்.
இயக்குனர் அமீர் தனது அனுபவத்தை முழுமையாக பயன்படுத்தி ஒரு வலிமையான துணை கதாபாத்திரமாக களமிறங்கியுள்ளார்.
பசுபதி மாரி செல்வராஜ் படங்களில் எதிர்மறை கதாபாத்திரம் என்றால் அது வெறும் “வில்லன்” அல்ல, சமூகத்தின் பிரதிபலிப்பு. அந்த அளவுக்கு பசுபதி தனது நடிப்பால் மிரட்டுகிறார்.
பிற துணை நடிகர்களும் மிகச்சிறந்த தேர்வாக இருந்தனர்.
நிவாஸ் கே. பிரசன்னா இசையில் இன்னுமொரு முறை தன் திறமையை நிரூபித்துள்ளார். பைசனின் பின்னணி இசை கதையின் உணர்ச்சிகளோடு ஒன்றாக கலந்து ஓடுகிறது.
பாடல்களில் இயற்கையின் சுவையும் மனித மனத்தின் துளிகளும் அழகாக கலந்து கிடக்கின்றன.
தணு குமார் ஒளிப்பதிவு – ஒவ்வொரு காட்சியும் ஒரு ஓவியம் போல. மலைப்பகுதிகள், மழை, மண், வியர்வை – அனைத்தும் உயிரோடு இருக்கும் அளவுக்கு அழகாக படமாக்கப்பட்டுள்ளன.
மாரி செல்வராஜ் இம்முறை தன் வழக்கமான குரலுக்குள் ஒரு புதிய ஒலியைச் சேர்த்துள்ளார்.
அவர் சமூகச் சிந்தனையுடன் கூட மனித நேயத்தின் அழகையும் பேசுகிறார்.
ஜாதி வெறியர்களிடமும் ஒரு மனிதம், அன்பு, புரிதல் இருக்கலாம் என்பதை மிக நுட்பமாக சொல்லியுள்ளார்.
அது ஒரு மாறுபட்ட அணுகுமுறை நம்மை சிந்திக்க வைக்கும் விதத்தில்.
எடிட்டிங் – கதையின் வேகம் ஒருபோதும் குறையாது; மிகச் சரியான ரிதமில் நகர்கிறது.
ஆர்ட் டைரெக்ஷன் – கிராமிய வாழ்க்கையின் இயல்பை நம்பிக்கையுடன் வெளிப்படுத்தியுள்ளது.
ஸ்கிரிப்ட் & டயலாக்ஸ் – எளிமையாக இருந்தாலும், தாக்கம் மிகுந்தது. ஒவ்வொரு வசனமும் சிந்திக்க வைக்கும் விதத்தில் அமைந்துள்ளது.
மொத்தத்தில் பைசன் என்பது ஒரு திரைப்படத்தை விட ஒரு அனுபவம்.
மாரி செல்வராஜ் இந்த முறை கோபத்துடன் அல்ல, கருணையுடன் பேசுகிறார் அதுவே இந்த படத்தின் பெருமை.
துருவ் விக்ரமின் சிறந்த நடிப்பு, பசுபதி மற்றும் அமீரின் வலிமையான பாத்திரங்கள், நிவாஸ் இசை, தணு குமாரின் காட்சியமைப்பு — அனைத்தும் சேர்ந்து பைசன்’னை ஒரு முழுமையான கலைப்படைப்பாக உயர்த்துகின்றன.
